Hoxe é Mércores 28 de Outubro de 2020

O pleno demandará á Xunta a restitución da axuda de 557 euros ás mariscadoras

RR_Noticias

Un acordo que non contou co apoio do PP quen argumentou que esta axuda sería un agravio comparativo para o resto do sector do mesmo xeito que para outros traballadores que tamén pasan por situacións semellantes.

A moción debatida no último pleno municipal reclama á Xunta que se restitúan as axudas de 557 euros ás mariscadoras que, cumpridos os 65 anos, non teñan cotizado un período mínimo que lles permitira cobrar unha pensión. Dende o PP lembran que a Consellería do Mar segue a abonar integramente o recibo da cotización da Seguridade Social para axudar a aquelas mariscadoras que non o poidan facer a completar os períodos mínimos de cotización e que poidan acadar a pensión de xubilación. Dende o BNG cualificábase o argumento do PP de “despropósito” por pretender “igualar por abaixo” e defender que se lle retire unha axuda a unhas mulleres algunhas das cales se atopan nunha situación moi precaria. No mesmo senso se manifestaba o PSOE, o seu voceiro, Emilio González Iglesias aseguraba que o defendido polo voceiro popular amosa pouca sensiblidade cara o sector marisqueiro. En toda a comunidade son 144 as mulleres afectadas pola retirada da axuda, trece das cales pertencen á Confraría de Redondela.

Alberto Pazos PP
Os populares non apoiaron a moción
Carlos Pazos BNG
Os nacionalistas entenden que esta é a única solución para as mariscadoras que chegan aos 65 sen xubilación
Emilio González PSOE
Acusan aos populares de carecer de sensibilidade

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *