Hoxe é Martes 27 de Outubro de 2020

Alberto Covelo lidera a candidatura da FPG en Redondela

RR_Noticias

Á espera de elaborar a lista que a Fronte Popular Galega presentará ás eleccións municipais de maio, todo apunta a que o seu candidato será Alberto Covelo (Redondela, 1971). A FPG márcase como obxectivo acadar representación e entrar a formar parte da corporación municipal.  

A candidatura promovida dende a FPG pretende aglutinar na súa lista a colectivos sociais e veciñais, motivo polo que están a realizar un traballo parroquial reuníndose con representantes de diferentes asociacións. O seu candidato, Alberto Covelo entende que existe un elevado número de veciños que “non atopan a quen votar” entre os partidos que veñen presentando as súas candidaturas nos últimos anos, algo que quedou patente ao seu entender tanto pola elevada abstención nos últimos comicios municipais de hai catro anos como polo importante número de persoas que optaron polo voto nulo (1.539). Un nicho electoral que Covelo entende que podería ser ocupado pola FPG. Traballador de Urbaser e sen experiencia política, aínda que si sindical como membro da Central Unitaria de Traballadores (CUT), Covelo amósase confiando en acadar representación “a pesar das dificultades de ser unha formación nova e sen recursos económicos”. Entenden que unha agrupación como esta que se define “como galeguista, de esquerdas, feminista e ecoloxista” ten cabida no Concello de Redondela. No ámbito municipal fan bandeira de temas como as infraestruturas posicionándose en contra de obras como a construción da A-59 ou a ampliación da AP-9 por “innecesarias”.

Alberto Covelo FPG
Os votantes potenciais aos que aspira a FPG son moitos dos que no seu día optaron polo voto nulo
Acadar representación
Covelo entende que é saudable que se incremente o número de forzas con representación no concello

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *