Hoxe é Sábado 5 de Decembro de 2020

O Paraxe Construcións comeza a tempada co obxectivo de fomentar o deporte base en Chapela

RR_Noticias

O primeiro equipo estreouse cunha vitoria sobre o Calvo Xiria, e esta fin de semana desprázanse para xogar no Porriño. Desde a directiva salientan o bo nivel de xogo dos de Fran Teixeira, pero insisten en que a máxima prioridade do club é fomentar o deporte entre os máis novos.

O Paraxe Construcións, así se chama agora o Club de Balonmán de Chapela grazas ó seu novo patrocinador, ben de comezar con moi bo pé a liga de 1ª Nacional. Estreáronse o sábado no seu pavillón cunha contundente vitoria sobre o Calvo Xiria (29-23), e o desexo do club é “seguir nesta mesma liña”. Os de Fran Teixeira conservan practicamente o mesmo bloque da pasada temporada, que tan bos resultados lle deu, chegando a xogar a fase de ascenso. Tan só houbo catro baixas e catro novas incorporacións. A próxima cita é na Louriña, xogarán na pista do Porriño o sábado ás 18.00 horas. No club salientan a importancia dos bos resultados do primeiro equipo, pero a directiva insiste en que o “verdadeiramente importante” son os rapaces dos equipos base. O presidente, Manuel González Soto, explica que “a razón de ser” desta entidade deportiva é a labor social que fan cos nenos e nenas, cun total de 11 equipos de deporte base, e con actividades complementarias como campamentos de verán e escolas deportivas nos colexios.

Manuel González Soto presidente
O primeiro obxectivo do club é o deporte base
Comezo de liga
Satisfacción co triunfo no primeiro partido que agardan repetir diante do Porriño

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *