Hoxe é Xoves 29 de Outubro de 2020

Máis de 300 persoas participarán nas Escolas Deportivas de Soutomaior

RR_Noticias

O prazo de matrícula está aberto ata o sábado 25 de setembro en actividades como natación, tenis, patinaxe, baile ou ximnasia rítmica. Xa se apuntaron 290 persoas, e desde o Concello calculan que superarán a cifra dos 350 inscritos, tanto en actividades para nenos como nas de adultos.

Despois do éxito das actividades de verán organizadas pola concellería de Deportes de Soutomaior, agora é tempo de retomar as Escolas Deportivas para este curso 2010-2011. Entre as modalidades deportivas que se ofrecen está a natación, tenis infantil, fútbol sala, patinaxe, actividade física para adultos, baile moderno e de salón, iniciación ó deporte e ximnasia rítmica. O concelleiro responsable desta área, Francisco Iglesias, salienta o éxito que ano tras ano teñen estas actividades, que se van renovando e ampliando coa incorporación de novas disciplinas, como o patinaxe, no que teñen xa máis de 100 inscritos. Iglesias destaca tamén os cursos de iniciación ó deporte, para rapaces de 3 a 12 anos, no que os máis pequenos “entran en contacto con diferentes disciplinas deportivas” e, a través de xogos, melloran a súa psicomotricidade. A concellaría de Deportes ten aberto o prazo de inscrición ata o sábado 25 de setembro, pero xa son case 300 os inscritos. Unha cifra que fai pensar ó concelleiro que este ano “superarán a cifra de 350 matriculados”. Iglesias advirte que, nalgúns casos, podería ser preciso limitar o número de alumnos, “para non poñer en risco a seguridade dos participantes nin a calidade do ensino”, aínda que insiste en que desde o Concello farán “todo o posible” para que ninguén quede fóra.

Francisco Iglesias concelleiro de Deportes
O Concello podería limitar o número de prazas nalgunhas actividades
Iniciación ó deporte
Iglesias felicítase polo éxito desta actividade dirixida a nenos de 3 a 12 anos.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *