Hoxe é Martes 20 de Outubro de 2020

Elba Torres achéganos á historia das mulleres galegas na emigración

RR_Noticias

A escritora e actriz cubana ten feito un interesante investigación sobre o fenómeno das migracións, centrándose no protagonismo das mulleres. A historia destas mulleres, como María Muñoz ou Carmen Arias, que deixaron pegada nos seus países de acollida, será o centro dunha charla que impartirá mañá martes no Multiusos de Chapela.

Son as grandes descoñecidas da historia. Mulleres que formaron parte do fenómeno da emigración galega e que protagonizaron importantes fitos nos seus países de acollida. Algunhas delas son recoñecidas no outro lado do Atlántico, pero non en Galicia, a súa terra de orixe. É o caso de María Muñoz, erudita da música cubana, Carmen Arias, que criou a Ernesto “Che” Guevara, ou a revolucionaria Inés Santamaría, nai da Nova Troba Cubana. A escritora e actriz cubana Elba Torres achegaranos á interesante historia destas e doutras moitas mulleres. Ademáis dunha extensa traxectoria na poesía, o xornalismo e o teatro, Torres Rondón leva tempo investigando o fenómeno das migracións, colaborando co Grupo de Comunicación de Galicia en el Mundo. Froito dos seus estudos publica dous libros, “20 mujeres y una leyenda” e “Luces de la Diáspora”. A cita é mañá martes, día 21, ás 20:00 horas, no Multiusos do Piñeiral do Crego, onde tamén está aberta ao público a exposición Mulleres Galegas na Historia. Elba Torres falará sobre algunhas destas destacadas mulleres e a súa contribución vital na diáspora, pero tamén se achegará a outras galegas que, alén das nosas fronteiras, sobresaíron en diferentes eidos da cultura, a ciencia ou as artes.

Elba Torres escritora
Moitas destas mulleres sobresaíron no mundo da cultura a ciencia ou as artes.
Descoñecidas en Galicia
En moitos casos son mulleres recoñecidas nos países aos que emigraron pero non en Galicia.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *