Hoxe é Martes 30 de Novembro de 2021
Stations
NOTHING FOUND!
Current listeners: 
Peak listeners: 

O despedimento de 150 traballadores paraliza seis meses as obras do AVE no túnel das Maceiras

RR_Noticias

Outros 170 operarios foran despedidos xa en agosto pola avaría dunha tuneladora. O BNG denuncia a paralización dos traballos e advirte que o Goberno desvía fondos do AVE a Vigo para as obras do norte de Galicia. Mentres o Ministerio de Fomento garante a obra.

Uns 150 traballadores da tuneladora A Miñoca, a única que funcionaba no Val das Maceiras para facer a entrada do AVE a Vigo, foron despedidos. Hai que sumarlle os 170 traballadores da outra tuneladora, A Lebre, que perderon o emprego en agosto ao avariarse a máquina. O BNG denuncia que estes feitos supoñen a paralización dos traballos no túnel das Maceiras, en Redondela, durante uns seis meses. O Ministerio de Fomento xustifícase alegando que rematou a primeira fase das obras.
O responsable nacional de CIG Construción, Xoán Xosé Melón, denunciou tamén onte a paralización do túnel sen data e advertiu de que se fala de abril ou maio para que no mellor dos casos boten a andar as dúas tuneladoras. Tanto o dirixente sindical como o deputado do BNG Henrique Viéitez alertaron de que todos os tramos están paralizados ou semiparalizados, como sucede coa estación provisional de Guixar, en Vigo. A deputada nacionalista Olaia Fernández solicitou a comparecencia na Cámara do ministro José Blanco para que aclare “se os despedimentos dos traballadores das tuneladoras supoñen a paralización das obras”. Fontes do Ministerio de Fomento explicaron onte que a rescisión de contratos comunicada agora non se debe á paralización dos traballos, senón á finalización dun tramo. Explican que en principio os túneles tiñan unha extensión de 5,5 quilómetros, ampliada posteriormente en 2,5 máis. O feito de que finalice a primeira parte sen que aínda se adxudicou a ampliación é o que obriga á rescisión de contratos por fin de obra. Desde Fomento aclárase que a adxudicación do novo tramo terá lugar nos próximos días e que recaerá na mesma empresa, polo que poderán continuar os mesmos empregados. Un detalle que non convence aos traballadores ao non figurar no seu despedimento.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *