Hoxe é Martes 24 de Novembro de 2020

O Lixorock recupera co “Artelixo” a cultura do refugallo

RR_Noticias

O certame abre a súa programación esta tarde cunha concentración na Feira do Gando. Todos os que o desexen poderán facer as súas obras de arte con material de reciclaxe. As esculturas colocaranse despois nas prazas e rúas da vila. Esta será a antesala do concerto, que se celebra o venres a partires das 21.00 horas

Comeza o Lixorock, que chega á súa XVI edición, será o venres, a partires das 21.00 horas, pero xa esta mesma tarde a organización pon en marcha a súa programación coa “Concentración Artelixo”. A partires das 18.00 horas no recinto da Feira do Gando todos os que o desexen poderán sacar “o artista que levan dentro” e facer a súa propia escultura con material de refugallo. Estas obras serán expostas en diferentes espazos públicos de Redondela, como beirarrúas e prazas. O obxectivo é fomentar a cultura da reciclaxe dun xeito “participativo e sorprendente”, segundo explica Pedro Vilas, un dos organizadores desta iniciativa. Xa o venres celébrase o Lixorock, o concerto “máis democrático do mundo”, segundo a organización, xa que poden participar nel todos os grupos e músicos que o desexen. Como cada ano, haberá conxuntos de varias xeracións que interpretarán todo tipo de estilos, desde o Metal, Rock ou Punk, ata o Indie ou o Hip Hop. Comezarán ás 21.00 horas no recinto da Feira do Gando, e cada grupo actuará durante 20 minutos. Este ano, ademais de moitos grupos redondeláns, xa está confirmada a asistencia de músicos de Pontevedra, Vigo e outros puntos da contorna.

Pedro Vilas organizador
No concerto poden paricipar grupos de todos os estilos musicais
Artelixo
Obras de arte con material de refugallo para soprender ós viandantes

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *