Hoxe é Xoves 16 de Setembro de 2021

O Choco inaugura a tempada cun empate fronte ao Céltiga

RR_Noticias

Ademais de en Rexional Preferente, este fin de semana, comezou a competición en Primeira Autonómica que nos deixa o empate do Arcade fronte ao Salvaterra a uns e a vitoria do Chapela por tres a cero ante o Tomiño.
 

Rexional Preferente
Choco-Céltiga (1-1) O Choco perde a oportunidade de comezar a tempada cunha vitoria. Estiveron a piques de conseguilo pero os redondeláns deixaron que o Céltiga anotara o tanto do empate no minuto noventa.
O Choco fixo onte a súa presentación oficial en Santa Mariña ante máis de douscentos seguidores cun bo xogo e con moitas oportunidades aínda que con falta de acerto nos lanzamentos á portería. O seu rival foi o Céltiga, que descendeu esta tempada de Terceira División.
Malia que foron moitos os lanzamentos a portería que fixeron os locais non sería até a segunda parte, no minuto oitenta cando o choqueiro Calo abriría o marcador pero dez minutos despois o xogador do Céltiga Aarón encargaríase de anotar o gol do empate que deixaba un empate a un tanto.
A próxima xornada os redondeláns visitarán o campo do Pontellas, un dos seus rivais directos, tan só un posto por baixo do Choco que ocupa o décimo terceiro lugar.
 
Primeira Autonómica
Arcade-Salvaterra (1-1) Empate para o Arcade que comezou a tempada fronte ao Salvaterra, un dos seus rivais directos. Un punto que os sitúa na nove posición da táboa. A próxima xornada xogan contra o Valadares.
Chapela-Tomiño (3-0) O Chapela empezou con moi bo pé a liga. Na casa e cunha vitoria. O seu rival foi o Tomiño que non foi quen de parar os ataques dos redondeláns que conseguiron atravesar a portería dos visitantes en tres ocasións.
Resultado que os deixa nos tres primeiros postos da clasificación, por baixo do Caselas, que lidera a táboa, e o Gondomar. A próxima xornada cruzarán a ría para xogar contra o Domaio
 
Balonmán
O Chapela queda fora da Copa Deputación.
Malia facer un bo xogo e dominar o partido os de Fran Teixeira non conseguiron imporse ao Octavio no pase á final da Copa Deputación. A primeira parte do encontro foi para o conxunto vigués pero no segundo tempo os redondeláns entraron con forza e aproveitáronse do exceso de confianza do Octavio aínda que non lles serviu para imporse no marcador. Un encontro que remataría cun resultado de 44-36 o que lle permitirá ao conxunto Olívico xogar a final esta tarde en Lalín fronte ao Cangas.
 
 
 
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *