Hoxe é Martes 20 de Outubro de 2020

O BNG entende que a ampliación da AP-9 incrementará os problemas de mobilidade en Vigo

RR_Noticias

O grupo nacionalista ve prioritaria unha autovía gratuíta alternativa á autoestrada de pago, motivo polo que teñen previsto presentar varias iniciativas parlamentarias reclamando que se axilicen as obras, ben da A-57 ou da A-59, e se desbote a ampliación da AP-9

Ese foi o compromiso acadado coa asociación de Afectados pola ampliación da AP-9 pola deputado do BNG no congreso Olaia Fernández Davila e o parlamentario galego Henrique Viéitez logo de reunírense a pasada semana. No Bloque entenden que a obra proxectada polo Ministerio de Fomento e comprometida novamente días atrás polo seu titular José Blanco non só non vai solucionar os problemas de tráfico entre as beiras da ría, senon que aínda vai complicar máis esa circulación ao incrementarse o efecto funil na entrada a Vigo Con todo, son conscientes no partido nacionalista que a situación de crise económica e os problemas do Ministerio para afrontar as obras en infraestruturas dificultarán que Fomento dea marcha atrás, tendo en conta que o custe de ampliar a ponte será menor que a construcción dunha autovía gratuíta alternativa.. A Asociación Afectados de Chapela aplaude o apoio recibido dende o BNG e continúa coas actividade previstas. Así, hoxe luns a partir das sete da tarde estarán expostas para firmar ou completar, no Multiusos Piñeiral do Crego de Chapela, as alegacións contra o proxecto da Ampliación da Autopista AP9 ó seu paso por esta parroquia.

Henrique Vieitez BNG
Axilizar as obras a autovía gratuítta
Problemas económicos
A situación de crise parece favorecer que se amplie a autoestrada
Incrementa os problemas de mobilidade
Amplia as afeccións e amplia o funil de entrada a Vigo

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *