Hoxe é Xoves 22 de Outubro de 2020

Máis de 300 nenos participarán nas Actividades de Verán en Soutomaior

RR_Noticias

Un ano máis o Concello de Soutomaior pon en marcha un programa de actividades para o mes de xullo no que poden participar nenos e nenas entre os 3 e os 16 anos. Vela, hípica, esquí acuático, obradoiros e actividades medioambientais son algunhas das propostas. Estas actividades celebran ademais o seu 10º aniversario, e a programación está máis que consolidada, cun grande éxito de participación.

O prazo de inscrición para as Actividades de Verán do Concello de Soutomaior está aberto ata o próximo luns, 21 de xuño, pero xa son máis de 200 os rapaces inscritos, e desde a organización agardan superar a cifra dos 300 participantes. Como explicaba Francisco Iglesias, concelleiro de Deportes, esta cifra supón que nas actividades participan “a metade dos rapaces censados no municipio”, o que supón un esforzo engadido para garantir o bo desenvolvemento das actividades e a “seguridade” dos menores. O programa de actividades, que comezará o 5 de xullo e rematará o 31 dese mes, inclúe deportes como hípica, vela, esquí acuático, e tamén obradoiros de manualidades, reciclaxe, actividades de animación e saídas programadas. Establécense cinco grupos distintos, distribuídos por idades, e cada un deles realiza diferentes actividades. Da programación gozan tanto os rapaces como os seus pais, que ademais de poder conciliar a vida familiar coa laboral nas vacacións escolares, poden participar tamén activamente con saídas nocturnas os venres. Unhas xornadas nas que fan exercicios de orientación, rastreo e outras actividades ó aire libre con toda a familia. As actividades están dirixidas a rapaces empadroados no Concello de Soutomaior, e os interesados poden aínda inscribirse no Concello de Soutomaior, no Pavillón da Montesiña, na Biblioteca Municipal ou na OMIX. O prezo “simbólico” é de 10 euros.

Franciso Iglesias concelleiro de Deportes
A metade dos nenos do municipio participan nas actividades de verán
Xornadas en familia
A programación inclúe actividades nas que tamén participan os pais

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *