Hoxe é Xoves 6 de Outubro de 2022
Stations
NOTHING FOUND!
Current listeners: 
Peak listeners: 

Xornada para a posta en valor do patrimonio monumental na Illa de San Simón

RR_Noticias

A Consellería de Cultura e Turismo xunto a Asociación de Concellos con Castelos, Torres e Enclaves Turísticos organizan esta xornada o próximo 18 de novembro baixo o lema “O pasado ten futuro”. O obxectivo da iniciativa, na que estarán representados 40 concellos, é coordinar esforzos para protexer e divulgar este patrimonio singular de cara  o seu aproveitamento cultural e turístico.

A Illa de San Simón acollerá o próximo mércores 18 de novembro a xornada Patrimonio Monumental. Castelos, Torres e Enclaves Históricos, organizada baixo o lema “O pasado ten futuro” pola Consellería de Cultura. Unha xornada coa que se pretende avanzar na coordinación entre as administracións e as institucións involucradas na protección xurídica deste patrimonio singular, recoñecido así pola Unión Europea, para a súa posta en valor como recurso cultural, histórico e turístico.
A Consellería de Cultura e Turismo pretende relanzar con esta actuación a preservación e difusión destes bens inmobles e dos enclaves históricos (como a propia Illa de San Simón, o Couto Mixto ou a Muralla Romana de Lugo) que conforman unha especificidade cultural protexida pola Lei do Patrimonio Cultural de Galicia. Para acadar este obxectivo, a Consellería de Cultura e Turismo considera necesaria a implicación das administracións locais. Nesta liña de traballo, confirmou xa a participación na reunión do próximo día 18 dun total de 40 concellos galegos.
A Consellería de Cultura e Turismo anuncia ademais que está a traballar na inclusión deste reclamo na información que se trasladará aos millóns de visitantes e turistas que se achegarán a Galicia co gallo da celebración do Xacobeo 2010.
O programa da xornada comezará coa intervención do alcalde de Celanova, Antonio Mouriño, quen abordará a importancia do legado monumental co relatorio “O Patrimonio, centro de interpretación histórica”. Falarán tamén o alcalde de Redondela, Xaime Rei, o fiscal superior de Galicia, Carlos Varela e o xefe superior de Policía de Galicia, Luis García Mañá.
O director xeral do Patrimonio Cultural, José Manuel Rey Pichel, e a secretaria xeral para o Turismo, Carmen Pardo, serán os encargados de definir as competencias e os proxectos da Xunta de Galicia neste ámbito. Pola súa banda, o presidente da Cámara Municipal de Melgaço, Rui Solheiro, presentará “O patrimonio monumental no Norte de Portugal”.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará