Obras pictóricas, esculturas e fotografías integran a exposición deste ano na que participan artistas afeccionados e outros cunha longa experiencia
Ata o vindeiro 4 de outubro pode visitarse no castelo de Soutomaior a XIV edición da mostra de artistas da bisbarra que anualmente organiza o concello. Nesta ocasión participan 25 artistas con obras de pintura, escultura e fotografía.
A exposición poderá visitarse de martes a domingo en horario de 11:00 a 14:00 horas e de 17:00 a 21:00 horas ata o vindeiro 4 de outubro.
Este ano como artista invitado atopamos a Mª Jesús Duarte, quen comparte espazo coas obras de Eulogio Vidal, J.M Criado, Moncho Novas, Bernardo Seoane, Juan Carlos Portela, Julio Currás, Carlos Vidal, Silvia Troiteiro, Lelita Gradín e Fabián Piñeiro entre outros.
