Hoxe é Xoves 26 de Novembro de 2020

Saxamonde celebra o vindeiro fin de semana a II Festa do Viño da Casa

RR_Noticias

Este ano a festa conta coa novidade dunha exposición de fotografías antigas da parroquia ademais de exhibicións de baile, pasarrúas, títeres, a actuación do dúo Caruncho e a música das Pandereteiras de “Arela” de Saxamonde e “As Tarambainas” de Labadores.

Co obxectivo de dinamizar a vida social e cultural desta parroquia redondelán, a Asociación  Cultural “Chan das Pipas”, organiza por segundo ano consecutivo a Festa do Viño da Casa que durante o 18 e 19 de xullo permitirá a todo aquel que se achegue a esta parroquia gozar cos caldos dos viticultores da zona, que estarán acompañados de carne ao caldeiro, polbo, e empanadas a prezos populares. As casetas de degustación abrirán a partir das 18.00 do sábado na Área Recreativa de Chan das Pipas. Ademais este ano a programación conta con novidades como unha exposición de fotografías históricas da parroquia elaborada grazas á colaboración dos veciños. Tamén se fará unha demostración do traballo do alumnado de diferentes cursos de baile impartidos durante todo o ano. O sábado a partir das 20.00 celebrarase esta exhibición que correrá cargo da Escola de Baile Moderno de Saxamonde e a Escola de Baile Latino Vigo-Salsa. As nove “Os de Sempre” de Lavadores encargaranse de levar a festa a rúa e pola noite a partir das 22.00 horas actuarán as Pandereteiras de Saxamonde “Arela” e as pandereteiras “As Tarambainas” de Lavadores. O humor porano os Caruñonchos coas súas enxeñosas regueifas na noite do sábado. A festa continuará o domingo, ás 11.30 horas abriranse novamente as casetas de degustación. Unha hora e media despois haberá sesión vermú que estará amenizada pola Orquestra de Saxos de Redondela e ás 14.00 horas celebrarase o xantar popular. Pola tarde, a partir das 17.30 horas, a Asociación Chan das Pipas organiza xogos tradicionais e populares para cativos e maiores e o peche da II Edición da Festa do Viño da Casa correrá a cargo dos monicreques da agrupación Tanxarina a partir das 19.30 horas. Unhas actividades que se organizan coa colaboración da Concellería de Cultura de Redondela e a Comunidade de Montes de Man Común de Saxamonde e que se celebrarán na Área Recreativa de “Chan das Pipas”. 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *