Hoxe é Sábado 23 de Xaneiro de 2021

A gardería de Arcade estará en funcionamento antes de setembro

RR_Noticias

A Delegada da Xunta en Vigo, Lucía Morales, comprometeuse tamén a axilizar a transferencia do centro de saúde ao Sergas e a construcción dun Intituto de Ensinanza Secundaria en Soutomaior

Este martes a Delegada Territorial da Xunta en Vigo, Lucía Morales ,visitou o Concello de Soutomaior para coñecer o estado das obras da futura escola infantil. A gardería está situada nunha superficie de 389 metros cadrados na parroquia de Arcade e contará con tres aulas que poderán acoller a 41 cativos. Para o vindeiro curso o número de prazas xa está case cuberto con 36 alumnos inscritos aínda que a Xunta espera completalo no mes de setembro. A escola infantil estará atendida por sete persoas que xa están contratadas. A delegada da Xunta, aproveitou a súa visita en Soutomaior para tratar outras cuestións de interese para o concello co rexedor local, Agustín Reguera. Morales comprometeuse a axilizar canto antes a apertura da gardería pero tamén a transferencia do centro de saúde ao Sergas e a construcción dun Instituto de Ensinanza de Secundaria no concello, que segundo afirmou, está pendente da cesión dos terreos por parte do concello para iniciar os trámites de construcción.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *