Hoxe é Martes 27 de Outubro de 2020

1500 racións de carne e 750 de chourizo na VII Festa da Chanfaina de Fornelos

RR_Noticias

Carlos Blanco será o encargado de ler o pregón ás doce do mediodía e a continuación actuarán As Pandereteiras de Ardebullo

O concello de Fornelos celebra este domingo a VII edición da Festa da Chanfaina e carne do Suído. Hai sete anos un grupo de veciños decidían poñer en marcha esta festa gastronómica co obxectivo de dar a coñecer os produtos da zona. Unha celebración que foi todo un éxito e que nesta edición porá a venda 750 racións de chourizo e 1.500 de carne do Suído. Os stands de degustación abriranse ás doce do mediodía e os comensais poderán durante todo a xornada degustar a carne preparada á brasa por cociñeiros profesionais acompañada de patacas, empanada, rosca e filloas. O actor e contador de historias Carlos Blanco será o encargado de ler o pregón e a continuación haberá unha actuación especial das televisivas Mucha e Nucha, máis coñecidas como “As Pandereteiras de Ardebullo”. Haberá asemade música durante toda a tarde que correrá a cargo da Banda de gaitas do municipio e da Coral escola música de Fornelos, así como pasarrúas e concerto da banda de música de Redondela. Un recinto cuberto asegurará unha comida lonxe das inclemencias meteorolóxicas.

Cayetano Tamaño
Unha festa gastronómica para promocionar os produtos locais

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *