Hoxe é Sábado 16 de Outubro de 2021
History
Stations
NOTHING FOUND!

O Chapela loitará este fin de semana por manter o liderado na Liga Autonómica de Traiñeiras na Pobra do Caramiñal e en Rianxo.

RR_Noticias

A primeira regata que terán que superar será a “IV Bandeira Concello da Pobra do Caramiñal” o sábado a partir das 17.30 horas e a segunda será a “VI Bandeira Concello de Riaxo que se disputará o domingo ás 11.30 horas.

O clube de Remo de Chapela chega como favorito á “IV Bandeira Concello da Pobra do Caramiñal e a “VI Bandeira Concello de Rianxo”, dúas novas probas da Liga Galega de Traiñeiras que se van celebrar este sábado e domingo. Despois de catro regatas en Muros, Ares, Cangas e Boiro os remeiros redondeláns son líderes da clasificación con 51 puntos seguidos polo Clube de Remo Cabo da Cruz, que conta con dous puntos menos, o Náutico de Vigo a tres puntos dos de Chapela e o Mecos que ocupa a cuarta posición da Liga Autonómica con 42 puntos.A primeira das probas será este sábado, 11 de xullo, no porto comercial da Pobra do Caramiñal onde se vai disputar a partir das 17.30 horas a cuarta bandeira deste concello. Unha hora e media antes, as 16.00 horas celebrarase unha xuntanza de delegados. A proba disputarase a seis largos con cinco cambios de sentido, o que permitirá que os espectadores teñan unha maior visibilidade e poidan seguir toda a regata.Ao día seguinte, o domingo 12, a competición trasládase ata Rianxo, onde se vai celebrara a partir das 11.30 horas a sexta Bandeira deste concello. Ao igual que o día anterior previamente haberá unha reunión dos delegados ás 10.30 horas.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *