Hoxe é Mércores 17 de Agosto de 2022
Stations
NOTHING FOUND!
Current listeners: 
Peak listeners: 

Poucos incidentes nunha noite máxica na que se celebraron 45 cacharelas

RR_Noticias

Poucas incidencias nunha noite de festa que se prolongou ata altas horas da madrugada. Tan só hai que lamentar un incendio nun colector de vidro en Pasan e a intervención policial para impedir a celebración dunha fogueira na praia de Arealonga. A Concellería de Medio Ambiente autorizara 45 cacharelas
 

Centos de persoas participaron onte nas numerosas fogueiras que se celebraron en todas as parroquias do municipio. En total, a Concellería de Medio Ambiente concedeu permiso para a celebración de 45 cacharelas. Os controis da policía local evitaron que as celebracións se realizaran nas praias, onte está prohibido prender lume.
A pesar da advertencia, en Chapela un grupo de veciños tentou realizar unha fogueira en Arealonga o que obrigou a intervir aos axentes así como a un camión que foi o encargado de retirar a leña que xa estaba no areal. Nun primeiro momento os veciños tentaron deter o vehículo, aínda que a intervención de efectivos da policía local e nacional permitiu que se realizase a retirada da madeira.
Tamén foi necesaria a intervención de protección civil, quen procedeu coa axuda dunha motobomba a apagar un lume nun colector de vidro no lugar de Pasán en Chapela. Un lume que quedaba extinguido ás 00:45.
Festas en Cabeiro
E dentro das celebracións do San Xoán lembramos que Cabeiro continúa en festas. Logo da gran fogueira e sardiñada celebrada onte, neste mércores as celebración continúan con pasarrúas a cargo da Banda de Música de Redondela quen ofrecerá un concerto ás 12:30. Pola tarde haberá fútbol onde se enfrontarán solteiros contra casados, en dous partidos nos que sairán ao campo homes e mulleres, e xa pola noite a partir das 22:00 horas as orquestra Lamas e Naranja amenizarán a verbena nocturna.
Mañá xoves soará a música da Banda Cultural de Arcade durante a mañá e pechará as festas as actuación de América e Suavecito.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará