Hoxe é Xoves 11 de Agosto de 2022
Stations
NOTHING FOUND!
Current listeners: 
Peak listeners: 

O médico Emilio González e o presidente de Barreras, Xosé Francisco González reciben os premios Lois Peña Novo

RR_Noticias

A Fundación destaca o seu labor a prol do idioma no ámbito sanitario e empresarial. Premiase tamén ao concello da Estrada pola súa defensa da identidade lingüística. A entrega dos galardóns terá lugar mañá as 20:00 horas no Castelo de Soutomaior

O médico psiquiatra Emilio González Fernández recibe o premio Lois Peña Novo polo seu traballo a prol do emprego do galego no ámbito da sanidade. O xurado da XV edición, presidido polo escritor Xesús Ferro Ruibal, destaca que dende “hai anos escribe as historias clínicas, os informes e as receitas da súa praxe asistencial en galego” nun sistema sanitario no que de xeito sistemático se lles nega aos usuarios “a cultura que está detrás da lingua”.
A Fundación Lois Peña Novo celebrará mañá no Castelo de Soutomaior a XV edición dos seus premios de normalización lingüística nun acto no que se premiará tamén o Estaleiro H.J. Barreras e o Concello da Estrada.
O xurado destacou o proceso de galeguización empresarial que se está a vivir no estaleiro da man do seu presidente, Xosé Francisco González Viñas, que ten posto en marcha unha nova dinámica lingüística que se está a plasmas en cuestión como “a rotulación interna da empresa, a súa páxina web, os servizos de telefonía e as relación coas institucións públicas galegas así como nas relación laborais cos seus propios traballadores”.
Tamén se recoñece a labor do Concello da Estrada como unha das administracións locais galegas que se ven diferenciando dende hai anos “na defensa da nosa identidade cultural e lingüística”.
A entrega dos galardóns será mañá as 20:00 horas nun acto que se desenvolverá no Castelo de Soutomaior.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará