O Concello de Redondela ten aberta a convocatoria de subvencións para sufragar os gastos correntes do ano 2025 das comunidades de augas do municipio. O importe máximo da axuda é de 3.000 euros por entidade e o prazo de presentación de solicitudes está aberto ata o vindeiro 27 de xuño.
O obxectivo destas axudas é axudar a cubrir gastos de mantemento como os servizos básicos de electricidade, reparación de tubaxes ou bombas, analíticas de auga ou xestións como os seguros ou gastos de xestoría.
O concelleiro de Infraestruturas e Sostibilidade, Roberto Villar, sinala que con estas subvencións o Concello “apoia a labor destas entidades na xestión e preservación dun ben público esencial como é a auga”.
Toda a información e tramitación está dispoñible na sede electrónica do Concello de Redondela. O prazo de solicitude está aberto ata o 27 de xuño.
