O Kick Boxing Club Arcade acadou un excelente resultado no Campionato Galego de Savate Assaut (boxeo francés), celebrado o pasado 14 de xuño en Ordes (A Coruña) e integrado na Federación Galega de Boxeo. A entidade participou con 12 deportistas, que conseguiron un balance de 8 medallas de ouro, 3 de prata e 1 de bronce.
A pesar de tratarse do ano con menor participación do club nesta competición, debido á proximidade do Campionato de España de Kick Boxing e á necesidade de evitar lesións que puidesen comprometer a preparación dos seus deportistas, os representantes de Arcade volveron demostrar o elevado nivel competitivo da entidade.
Os títulos de campión galego foron para Miguel Amoedo Vázquez, Dylan Santoro Castellano, Óscar Raña Díaz, Daniel Amoedo Vázquez, Violeta Servio Cal, César Maquiera, Hugo Romero Rodríguez e Anxo Martínez Núñez. Pola súa banda, Mariña Díaz Taboada, Aitana Hermida Iglesias e Mencía Díaz Taboada lograron a medalla de prata, mentres que Brais Martínez Núñez conseguiu o bronce na categoría sen contacto de 6 anos.
A competición desenvolveuse en categorías masculinas e femininas desde os 6 ata os 15 anos, tanto en modalidade sen contacto como con contacto.
O club tamén quixo destacar o labor de dous dos seus integrantes, que se estrearon como árbitros na competición.
