División de Honra Xuvenil
Choco 1-0 Oviedo
O Choco tiña unha dura proba en Santa Mariña, e o resultado foi o mellor dos posibles. O Oviedo chegaba a Redondela como líder invicto da categoría, con cinco triunfos nas cinco xornadas disputadas. Os rapaces de Hugo Álvarez foron a buscar o partido, malia que o Oviedo exercía unha dura presión no centro do campo. Na primeira metade houbo algunhas ocasións para os dous equipos, pero chegaron ao descanso a ceros. Na segunda parte o Choco marcou cedo, aos 9 minutos, cun gol de Fernando. Os asturianos buscaron a igualada con cambios no once, pero non foi quen de acadalo. O Oviedo perdeu o liderado, que agora é do Celta. O Choco é 4º, a 4 puntos do líder, e por detrás Compostela e Oviedo. Na próxima xornada o equipo redondelán visita o campo do Val Miñor, situado na metade baixa da táboa.
Preferente
Allariz 0-1 Choco
O CD Choco suma a súa segunda vitoria e faino en terras ourensás. Os anfitrións tentaron facerse con partido, pero os de Jose Tizón demostraron no campo por que chegaban a Allariz co cartel de favoritos. Foi un encontro con escasas ocasiónsl pero que o Choco soubo aproveitar. Na primeira metade o traballo defensivo foi o máis destacado, sen ocasións claras de perio, e chegaron ao descanso a ceros. Na segunda parte o Choco meteulle intensidade ao xogo e nunha das ocasións Iván Capelo anotaba o 0-1. Quedaban aínda 30 minutos de xogo e os locais tentaron empatar o encontro, pero o Choco atallou todas as súas chegadas para traer os tres puntos para Redondela. O Choco, que agora é 5º, recibe na próxima xornada ao Barco, cos ourensáns na metade da táboa
Primeira Autonómica
Chaín 3-2 Arcade
O Arcade non foi quen de superar a un dos últimos clasificados, o Chaín. Na próxima xornada recibe ao S.Adrián, que está un posto por riba deles.
Segunda Autonómica
Domaio 2-1Cesantes
Soutomaior 2-0 Atl.Combarro
Na próxima xornada dispútanse os encontros: Cesantes-Marcón e Campañó-Soutomaior
Terceira Galicia
Atl.Vilar 2-0 Santiaguiño
Nespereira 0-6 Balaídos
Oliveira 3-1 Chapela
Na próxima xornada dispútanse os encontros: Vincios-Atl.Vilar, Nieto-Nespereira e Chapela-Sanguiñeda.
