Os cursos comezan o 11 de setembro en Redondela e o día 12 en Chapela e prolongaranse ata o mes de novembro. O último día para se inscribir é este martes día 5. Redondela oferta 16 prazas por curso e Chapela 12 prazas, que serán asignadas pro rigorosa orde de inscrición. As formacións inclúen cursos de creación de blogs, edición de fotografías, creación de álbumes e presentacións, e trámites coa administración On line.
As instancias para participar nos cursos que organiza a Concellería de Novas tecnoloxías, con matrícula aberta dende o pasado 16 de agosto ata o martes día 5, pódense recoller na páxina web de Redondela (www.redondela.gal), no Centro de Formación A Marisma (ao carón da piscina municipal) e no multiúsos da Xunqueira en Redondela. En Chapela pódense solicitar nas Dependencias dos Servizos Sociais.
