Vals, polcas e temas clásicos é o repertorio que ofrecerá a Orquestra de Saxos de Redondela no concerto de AniNovo que terá lugar este domingo día 1 no Multiúsos da Xunqueira ás 19:30 horas.
O multiusos de Redondela converterase no gran teatro de Viena o vindeiro domingo. A Orquestra de Saxos ofrecerá un gran concerto de AniNovo ao estilo da gala Vienesa , cun repertorio no que non faltarán os vals de Strauss, polcas e outros temas clásicos.
O recital para dar a benvida ao 2023 será no Auditorio da Xunqueira con entrada gratuíta até completar o aforamento. A orquestra de saxos, baixo a dirección de Elisa Arias, quere que esta cita se consolide como en moitas das grandes cidades europeas, convertendo por un día o Multiusos nun gran auditorio vienés facendo partícipe deste gran evento a toda a veciñanza.
