Hoxe é Mércores 17 de Agosto de 2022
Stations
NOTHING FOUND!
Current listeners: 
Peak listeners: 

Vinte persoas formaranse nun novo obradoiro de emprego de Carpinteiría e Agricultura ecolóxica en Redondela

obradoio

A Xunta de Galicia vén de confirmar ao concello unha subvención de 503 987,00 euros para a posta en marcha da terceira edición desta acción formativa, Redondela Máis que Bela III. O novo obradoiro impartirase nas de Pousadouro e, ao igual que o recen rematado, contará coas especialidades de Carpintería e Vernizado e Forestal-Xardinería-Agricultura Ecolóxica, cun total de 10 participantes en cada un dos módulos.
A duración do proxecto será de 12 meses e as persoas participantes serán contratadas polo Concello a través dun contrato de formación. Para poder participar no proceso de selección é necesario que as persoas estean desempregadas, inscritas como demandante de Emprego no Servizo Público de Emprego de Galicia e que como mínimo teñan formación regrada suficiente para cursar un certificado de profesionalidade de nivel 2 (mínimo ESO ou equivalente).
As persoas interesadas poderán obter máis información no Teléfono 986402664, de 9:00 a 13:00 e nas oficinas do Servizo Público Emprego de Galicia, de Redondela e Chapela. Nestas últimas deberán solicitar expresamente o seu interese en participar no obradoiro dual de emprego.
A alcaldesa Digna Rivas amosou a súa satisfacción pola concesión desta axuda “que non fai máis que confirmar os excelentes resultados que están a obter os obradoiros que se desenvolven en Redondela e que superan, con creces, os mínimos de inserción laboral dos e das súas participantes” como se demostrou nos recentemente rematados Redondela Máis que Bela II e Redondela TIC II.
Lembrou a alcaldesa “as limitadas competencias” que os concellos teñen en materia de fomento de emprego, quedando case que cinguidas á formación, pero asegurou “que o Goberno local seguirá traballando para conseguir que, a través destas accións formativas, as nosas desempregadas e desempregados acaden unha formación óptima en materias que teñen unha alta demanda no mercado laboral”.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará