Hoxe é Mércores 17 de Agosto de 2022
Stations
NOTHING FOUND!
Current listeners: 
Peak listeners: 

Actuación de Milladoiro en Arcade nunha fin de semana na que Soutomaior recupera as súas festas patronais

milladorio

O Concello de Soutomaior recupera este fin de semana varias das súas celebracións populares despois da pandemia, o sábado a do patrón local, San Salvador, e o domingo a tradicional procesión en honra de San Caetano no Castelo de Soutomaior. A programación cultural comeza este venres co concerto do grupo Milladoiro a partir das 22:30 horas no Peirao de Arcade.

Despois de dous anos de suspensión pola pandemia, o sábado os veciños de Soutomaior poderán volver render homenaxe ao seu patrón San Salvador. Así, a celebración comezará a partir das 20:00h coa misa e a procesión até a igrexa parroquial. Unha vez finalizado o rito relixioso, a Banda Artística de Arcade ofrecerá un pequeno concerto baseado en pezas da tradición musical galega.

O domingo a actividade cultural comeza ás 10 da mañá cun dos clásicos da programación estival de Soutomaior, a concentración de SEAT 600. Un encontro que tradicionalmente atrae a Arcade a centenares de visitantes e amantes dos coches clásicos. A partir das 12:00 horas celebrarase a misa na Capela do Castelo de Soutomaior e a procesión en honra a San Caetano. A celebración contará con animación musical tradicional e un pulpeiro.A partir das 22:00 horas, a música continuará no Campo de San Benito, no barrio de Romariz, coa actuación de Xingros Big Band.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará