Hoxe é Martes 17 de Maio de 2022
Stations
NOTHING FOUND!
Current listeners: 
Peak listeners: 

A Xunta remite ao Concello o convenio de colaboración para a construción da pista de atletismo no Illa de San Simón

pista atletismo

Un convenio que, segundo explica a alcaldesa de Redondela Digna Rivas, era imprescindible para poder realizar esta actuación xa que “a pista construirase nunha instalación educativa”. A obra, que será financiada con fondos propios do concello, contará cun investimento de 170.000 euros e a pista estará aberta á utilización dos clubs deportivos fora de horas lectivas

A alcaldesa de Redondela, Digna Rivas, amosou a súa satisfacción polo convenio remitido pola Xunta á que agradeceu “a súa colaboración para que Redondela poida contar cunha pista deportiva acorde ás necesidades dos clubs do municipio”. Os traballos a acometer permitirán dotar ao municipio dunha pista de atletismo de 4 rúas de 90 cm de ancho e unha corda aproximada de 180 metros. Asi mesmo, o proxecto inclúe unha prolongación de rúas que permitan habilitar unha recta de 60 metros, con zona de saída de 3 metros e de freado de 15 metros. A instalación compleméntase cun foxo de salto e demais instalacións propias dunha zona de atletismo como poden ser os círculos de lanzamento.

Amais dos traballos perimetrais da instalación de saneamento e drenaxe, procederase á adecuación da pista polideportiva existente mediante a aplicación dunha pintura que homoxeneíce a actuación, xa que se solapará formigón existente con formigón novo, modificándose a posición da pista.

A alcaldesa explicou que a nova instalación permitirá a usuarias e usuarios, realizar adestramentos “cun pavimento de altas prestacións perfectamente apto para adestramentos cunha pista de 60 metros para carreiras de velocidade e un foxo para salto de lonxitude”.

A raíz do convenio asinado, puntualizou Digna Rivas, a instalación “poderá ser utilizada polos clubs e atletas fora das horas lectivas, polo que a súa construción supón incrementar o número de infraestruturas deportivas con que contamos no municipio”.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará