O BNG de Soutomaior cualifica de “escándalo” que “nun momento de pandemia e de necesidades, o goberno local deixe sen gastar partidas tan importantes como a metade da destinada a axudas sociais para as familias do noso concello”.
Lembran tamén que “a maior partida sen gastar é a de investimentos reais, máis de millón e medio de euros. Dentro destas partidas estaban incluídas obras como a reforma do parque de Talo Río ou as melloras no camiño de Santiago, obras que por non facerse en tempo e forma agora vanlle supor un gran sobrecusto á veciñanza”.
