Hoxe é Domingo 29 de Maio de 2022
Stations
NOTHING FOUND!
Current listeners: 
Peak listeners: 

Juan Amoedo: “O compromiso dos xogadores é total”

ChocoJuan

O CD Choco sumou dúas vitorias nas dúas últimas xornadas disputadas: gañou o pasado mércores no campo do Sofán e este domingo en Santa Mariña ante o Arzúa. Seis puntos que lle serven ao equipo para respirar algo máis tranquilo ao saír dos postos de descenso, pero que “non garante nada” como advirte o adestrador Juan Amoedo. Esta recta final da temporada vai ser intensa, quédanlle 7 xornadas por disputar, entre elas a do partido aprazado co Fabril. E son moitos os equipos que están apertados na metade baixa da táboa con diferencias de puntos mínimas. O obxectivo do Choco “é meter aínda máis equipos na pelexa pola permanencia, como fixemos co Arzúa”. Para Amoedo o único camiño é “saír a gañar” como fixeron nos últimos partidos.

Juan Amoedo, adestrador do CD Choco

O técnico salienta o compromiso dos xogadores, “que están facendo un gran esforzo para manter o equipo nesta categoría porque saben o importante que é para o CD Choco”. Nas últimas xornadas tocáronlles longos desprazamentos, cruzando Galicia en varias ocasións ata Viveiro, Carballo, Somozas ou o O Barco. Amoedo destaca que o equipo soubo adaptarse a estas circunstancias e competir a un gran nivel.

O técnico salienta o gran compromiso dos xogadores

O técnico salienta tamén o compartamento da afeción, da que destaca o seu apoio “tamén nos momentos difíciles” para arroupar ao equipo en Santa Mariña, onde deben ser “moi fortes”

Amoedo agradece o apoio dos afecionados

O próximo domingo visitan o campo do Atlético Arnoia, cos anfitrións no pozo da táboa en postos de descenso. Con todo, Amoedo advirte que será un rival complicado, e que o CD Choco ten que saír a gañar “porque non vale outra cousa”.

O domingo visitan o campo do Arnoia, cos anfitrións en postos de descenso.
Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará