Hoxe é Mércores 18 de Maio de 2022
Stations
NOTHING FOUND!
Current listeners: 
Peak listeners: 

Novo adestramento reivindicativo para reclamar as pistas de atletismo en Redondela

car redondela

A Asociación deportiva C.A.R organiza este martes un novo adestramento ao aire libre co obxecto de reclamar a comprometida pista de atletismo no Illa de San Simón, unha instalación que levan máis de seis anos demandando e que, malia “as promesas dos distintos grupos políticos que pasaron polo concello de Redondela, seguen sen materializarse”.

A situación obriga aos 65 rapaces e rapazas que forman parte da súa escola de atletismo a se desprazar ao Centro Galego de Tecnificación de Pontevedra para poder realizar os seus adestramentos. Por este motivo convidan a veciñanza a sumarse a esta iniciativa, un adestramento na Alameda que terá lugar este martes en horario de 17:30 a 18:30.

Reivindican dende o club de atletismo que “todos os grupos municipais do Concello se poñan de acordo para que dunha vez por todas este municipio poida contar cunhas instalacións axeitadas para a práctica do atletismo”.

A directiva do club ten claro que se todos os grupos queren o mellor para o concello “este é o momento de demostralo”.

Dende o goberno local aseguran que hai xa unha partida de 150.000 euros dentro dos orzamentos que a dia de hoxe están a negociar co resto dos grupos que se investiría no acondicionamento da pista do IES Illa de San Simón.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará