Hoxe é Mércores 25 de Maio de 2022
Stations
NOTHING FOUND!
Current listeners: 
Peak listeners: 

A SAR Plastic Omnium, máis preto da permanencia

SARSeisNAdal

División de Honra Prata Feminina

SAR Rodavigo 27-34 Puerto del Carmen

O Balonmán Lanzarote Porto da Carmen, quinto clasificado, visitou este fin de semana a Bomboneira. Á SAR custoulle entrar en partido, e non foi até o minuto 6 cando chegou o primeiro gol local. As visitantes abrían unha fenda cada vez maior no marcador e chegaron ao descanso cun 12-17. Na continuación, as canarias volvían despegarse ata unha diferenza de 8 goles (14-22 min 34). As de Redondela reorganizaron a defense e achegáronse a catro goles, pero as de Puerto del Carmen non permitiron a remontada, e os dous puntos foron para as illas. Na próxima xornada o equipo de Verónica Posada viaxa a Asturias.

Balonmán Primeira Nacional

SAR Plastic Omnium 34-26 Seis do Nadal

Triunfo ante un rival directo nun partido de gran traballo na portaría. A SAR foi sempre por diante no marcador, e abriron unha marxe que os visitantes non souberon recortar. Ao descanso, 19-12. Na segunda parte, a dinámica seguía sendo a mesma. Con grandes achegas en ataque e intervencións en portaría, o equipo de Moncho Pazos logrou ampliar a renda a 10 goles (28-18 min 48). Nos últimos minutos o Seis do Nadal aproximouse (30-23), pero a SAR seguiu defendendo o partido ata acadar o 34-26 final. Dous puntos que serven para achegarse máis ao obxectivo da permanencia. Na seguinte xornada teñen un difícil enfrontamento en terras canarias ante o BM Ingenio.

Rodosa Chapela 30-32 OAR Coruña

Dolorosa derrota nun gran partido do Rodosa BM Chapela, que pelexou até o final ante un forte OAR Coruña. Os de Manuel Fernández Lago dominaron o partido e estiveron por diante no marcador durante máis de cincuenta minutos. No tramo final do encontro os de Chapela quedaron sen folgos, e o OAR tirou de calidade para levar os dous puntos. Esta fin de semana viaxan tamén a terras canarias para medirse ao BM Tejina La Laguna.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará