Hoxe é Mércores 25 de Maio de 2022
Stations
NOTHING FOUND!
Current listeners: 
Peak listeners: 

“Vandalismo baixo cero” unha iniciativa para previr o vandalismo xuvenil

vadnalismo

O Concello de Soutomaior pechou esta semana o programa xuvenil Vandalismo Baixo cero, levado a cabo en colaboración co colexio Santiago Apóstolo de Arcade e na que participaron máis de 60 alumnos. A iniciativa tiña como obxectivo sensibilizar aos participantes sobre o efecto global destas condutas incívicas e buscar a súa implicación para reducir a incidencia destes actos entre os sectores máis novos da sociedade.

Durante as últimas semanas os alumnos participaron nun total de 10 sesións nas que levaron a cabo un traballo de investigación social. Acompañados polos seus profesores, os escolares percorreron as rúas do municipio sacando fotografías, entrevistando os veciños e recompilando toda clase de información útil que logo analizaron en clase. O resultado é unha serie de vídeos nos que os alumnos expoñen as repercusións negativas que teñen estes actos a nivel económico, social e persoal.

A última das sesións do programa contou coa participación da Policía Local de Soutomaior, que ofreceu unha pequena charla aos alumnos sobre as consecuencias e responsabilidades que poden afectar os autores de actos vandálicos.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará