Hoxe é Martes 17 de Maio de 2022
Stations
NOTHING FOUND!
Current listeners: 
Peak listeners: 

Actos para conmemorar o Día de Rosalía en Redondela

alameda chapela

O acto institucional terá lugar na Alamede de Chapela mañá mércores, día do nacemento da ilustre escritora. O Concello, a través do Servizo de Normalización Lingüística, involucra nesta celebración ao alumnado dos centros escolares que realizarán murais alegóricos nos que dar renda solta á súa creatividade

Redondela desenvolve, durante esta semana, diversas actividades encamiñadas a celebrar a data de nacemento de Rosalía de Castro, figura clave das letras galegas, e que terán o seu cumio no acto institucional a celebrar o día 23 de febreiro, mércores, na Alameda Rosalía de Castro de Chapela, onde terá lugar unha ofrenda floral no monumento que lembra a ilustre poetisa e novelista que, xunto a Eduardo Pondal e Curros Enríquez, é unha das figuras emblemáticas do Rexurdimento Galego.

Entre outras actividades ao longo da semana o alumnado dos centros escolares participa coa elaboración de flores con diferente material e pétalos con poemas, frases ou mesmo debuxos alegóricos a Rosalía. Eses colaxes serán expostos en cada colexio o día 23 de febreiro.

A maiores, os centros escolares repartirán, para o seu uso nos comedores, manteis conmemorativos doados pola Deputación de Pontevedra nos que, baixo o título Caldo de Gloria, lembran o poema ‘Miña casiña, meu lar’ de Follas novas e que, amais do propio poema, ten unha lenda explicativa sobre o mesmo e que da sentido a unha das súas partes: Fixen un caldo de gloria / que me soupo que la mar, fixen un bolo de pote / que era cousa de envidiar.

Así mesmo e por segundo ano, o Concello manterá a iniciativa Agasalla un libro e unha flor posta en marcha o pasado ano polo Servizo de Normalización Lingüística, facéndose eco dunha proposta da Asociación de Escritores/as en Lingua Galega (AELG).

A alcaldesa, Digna Rivas, lembraba que esta proposta “que tivo o pasado ano un notable éxito de participación da veciñanza”, contribúe non só a dinamizar a dous sectores comerciais de Redondela como as florerías e as librerías senón tamén para lembrar unha data significativa “non só para as letras galegas, senón para a propia Galicia xa que a figura de Rosalía va máis aló do plano puramente cultural, para converterse nun símbolo da propia identidade de Galicia como pobo”.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará