Hoxe é Martes 17 de Maio de 2022
Stations
NOTHING FOUND!
Current listeners: 
Peak listeners: 

Indignación nas ANPAs tras negarse a Xunta a garantir a implantación do Bacherelato de Artes en Redondela

bache

A Federación de Asociacións de Nais e Pais acusa á Xunta de mentir cando afirma que a entrada en vigor da nova lei educativa, a LOMLOE, impide a implantación desta modalidade en Redondela “cando a nova lexislación nada di ao respecto”. Esixen á Consellería de Educación que deixe de ningunear á comunidade educativa “e que dea resposta aos escritos da Federación onde se lles reclama que cuantifiquen a demanda como paso previo a implantación desta actividade”. As ANPAs celebran este luns na Casa da Cultura unha reunión ás 20:00 horas para informar sobre este asunto e anuncian mobilizacións.

A Federaciónde ANPAs, que aglutina a 13 asociacións de centros públicos de ensino de Pazos de Borbén e Redondela, acusan á Xunta de “mentir e marxinar ás familias de Redondela” cando afirman que a entrada en vigor da nova organización do ensino coa LOMLOE crea unha situación de incerteza que lles impide garantir a implantación da modalidade de Artes en Redondela. Neste sentido acusan ao goberno galego de “estar a xogar co futuro dos estudantes nunha actitude de loita partidaria co goberno central”.

Critican ademais que a única información ao respecto lles chegue pola prensa, cando hai semanas que solicitaron unha reunión coa Xefatura Territorial sin ter recibido resposta, e esixen que a Xunta cumpra co seu compromiso de cuantificar a demanda do Bacherelato de Artes como paso previo á súa implantanción “tal e como comprometera a Comisión de Educación do Parlamento o pasado 22 de setembro”.

De feito, ante a falta de avances neste sentido a propia Federación xa puxo en marcha unha enquisa entre o alumnado de 4 de ESO dos Centros de Redondela e Pazos e, a falta de coñecer os resultados definitivos, aseguran que hai un enorme interese por parte do alumnado en cursar estudos de arte.

A Federación continúa a esixir á Xunta de Galicia que cumpra os seus compromisos e que dote a Redondela de toda a oferta educativa de Bacharelato que existe neste momento e fai un chamamento para que todos os colectivos culturais e non culturais do concello e comarca se unan ás diferentes accións que teñen en marcha.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará