Hoxe é Mércores 19 de Xaneiro de 2022
Stations
NOTHING FOUND!
Current listeners: 
Peak listeners: 

PP e AER piden a dimisión Rivas polo conflito coa Policía Local

plenopoli

Un conflito no que nas últimas horas tamén se posicionaron os grupos da oposición: mentres PP e AER piden a dimisión da alcaldesa, o BNG reclámalle que deixe de dar bandazos nas negociacións.

O Partido Popular considera que ante a situación creada coa Policía Local, o Goberno local ten que asumir xa a súa responsabilidade. En xullo, logo de varios días nos que a vila estivo sen un so axente de servizo nas rúas, a alcaldesa anunciaba un “principio de acordo” para acabar con esta situación. Cinco meses despois daquel “anuncio propagandístico no que a alcaldesa daba a situación por solucionada” a realidade é que o luns non houbo axentes da Policía Local operativos. Algo que “demostra a incapacidade e ineptitude evidentes para dirixir o Goberno municipal” polo que esixen que Digna Rivas dimita como alcaldesa.

No mesmo sentido manifestábase a Agrupación de Electores quen solicita a intervención do PSdeG provincial, e máis concretamente do seu secretario xeral David Regades, e pídelle que convide a actual alcaldesa a abandonar un cargo para o que, segundo AER, non está capacitada. O motivo principal é “a ineptitude de Rivas na xestión do servizo da Policía Local de Redondela que, de novo, o pasado 6 de decembro volveu quedar sen efectivos”.

Críticas tamén dende o BNG que considera que o PSOE “tenta confundir á veciñanza co conflicto da policía” e acusa a Rivas de “dar bandazos na negociación do plus de productividade”. Relatan que dende que o conflicto se agravara no verán “o Partido Socialista, cometeu erros flagrantes, como pontear a mesa de negociación cos sindicatos” e insta a alcaldesa a sentarse a negociar “para poder actuar en minoría tén que redobrar esforzos para dialogar co BNG actitude da que carece este equipo de goberno”.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *