Hoxe é Martes 7 de Decembro de 2021
Stations
NOTHING FOUND!
Current listeners: 
Peak listeners: 

“Matemaxia” para celebrar o Mes da Ciencia en Galego

matemaxia

A actividade, organizada dende o Servizo de Normalización Lingüística, consiste nunha forma lúdica de aprender e comprender as matemáticas tomando o galego como lingua. O Mago Paco é o encargado de amosar ao alumnado redondelán, por medio da maxia e da divulgación lúdica, os segredos que se agochan tras os números.

A iniciativa, dirixida aos escolares de 5º e 6º de primaria, levarase a todos os colexios de Redondela a través de 14 sesións que se encargarán de levar a ‘maxia das matemáticas’ ás e aos escolares.

O Concello de Redondela súmase así ao Mes da Ciencia en Galego que, dende hai anos, se celebra en Galicia coincidindo coa celebración do Día Internacional da Ciencia o 10 de novembro, unha iniciativa coa que a comunidade científica busca concienciar sobre o uso da ciencia para a paz e o desenvolvemento.

Dende hai 11 anos por iniciativa do profesorado, comezou a celebrarse o Mes da Ciencia en Galego para amosar a plena normalidade do uso na nosa lingua no ámbito científico e técnico. A partir de entón téñense organizado numerosos actos nos centros escolares de Galicia.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *