Hoxe é Luns 29 de Novembro de 2021
Stations
NOTHING FOUND!
Current listeners: 
Peak listeners: 

Deteñen nun control de alcoholemia en Chapela o ladrón dun vehículo en Cangas

poli

O dispositivo conxunto de Policía Local e Policía nacional que nesta madrugada estaba a realizar un control na Avenida de Redondela en Chapela acabou con sorpresa. Logo de deter un vehículo tras realizar o seu condutor unha manobra sospeitosa, decatáronse de que se trataba dun ladrón que acababa de subtraer un vehículo en Cangas. O varón foi detido e trasladado a Comisaría de Vigo.

Os feitos tiñan lugar a unha da madrugada de hoxe cando, nun dispositivo conxunto na Avenida de Redondela, un dos axentes decatábase da manobra dun vehículo que se detiña na beiravía apresuradamente para facilitar que a persoa ao volante abandonara o posto de condutor e se trasladara a parte traseira do turismo.

Vista manobra tan sospeitosa, os axentes procederon a investigar ao condutor por un presunto delito contra a seguridade viaria ao non ter obtido nunca o permiso de conducir. Así mesmo, tamén foi proposta para sanción por arroxar un resultado positivo nas probas de drogas.

A sorpresa xurdiu cando se lle pediu a documentación do vehículo. Ante as escusas poucos cribles que alegaba o varón realizáronse algunhas averiguacións, resultando que o vehículo estaba sendo investigado porque fora roubado na localidade de Cangas.

Ante estes feitos procedeuse a detención do condutor e ao seu traslado a comisaria da Policía Nacional en Vigo.

Tamén se propuxo para sanción a un dos acompañantes no vehículo a quen se lle atopou unha importante cantidade de substancias estupefacientes.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *