Hoxe é Luns 29 de Novembro de 2021
Stations
NOTHING FOUND!
Current listeners: 
Peak listeners: 

AER reclama no Pleno a instalación dun tanque de treboadas e unha nova rede de pluviais

Moción saneamento

A Agrupación de Electores de Redondela, AER, levará ao Pleno que se celebra mañá ás 20:00 horas no Multiúsos, unha moción sobre a urxente mellora do saneamento municipal e a instalación dun tanque de treboadas na rede co fin de acabar co problema histórico de contaminación medio ambiental á enseada de San Simón nos días de choiva.

AER xa considerara esta iniciativa desde o goberno ao entender que “o tanque almacenará o exceso de caudal de auga do colector xeral durante as choivas (mistura de pluviais e residuais urbanas) e será quen de devolver ese volume á rede xeral. O obxectivo é evitar que a depuradora se sobrecargue e verta augas sen depurar na canle do río. Na moción urxe ao Concello a desenvolver o anteproxecto da devandita instalación neste mandato e solicitar a colaboración económica da Xunta de Galicia para a súa execución.

Na moción, AER pide, así mesmo, a posta en marcha dunha nova rede de pluviais que permita a eliminación de alivios constantes de augas fecais aos ríos Maceiras e Alvedosa e a realización dun estudo de caracterización dos caudais de augas pluviais en todos os pozos da rede de saneamento para o seu desvío a leitos naturais.

A Agrupación destaca que “en Redondela vénse primando a ampliación da rede municipal (máis aporte de caudal) en vez da mellora da existente, o que provoca un aumento constante de vertidos non controlados ao medio”.

Segundo Daniel Boullosa, voceiro de AER, “este é un proxecto de calado, fundamental para Redondela e ten que ser executado canto antes. Sabemos que é unha obra custosa, que require de tempo pero como xa propuxemos nós cando estabamos no goberno debería empezar a executarse e acometer algunha das primeiras fases no ano 2023”.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *