Hoxe é Mércores 1 de Decembro de 2021
Stations
NOTHING FOUND!
Current listeners: 
Peak listeners: 

O Redondela Maramar pelexa “partido a partido”

FSRedondela_n

Con tres semanas de atraso con respecto ao calendario previsto, a pasada fin de semana comezaba por fin a liga de fútbol sala na Preferente. Logo dun ano sen competir comezou a campaña para o Redondela Maramar, que comparte categoría cos clubs veciños de Arealonga e Pazos. A primeira xornada foi moi positiva, con vitoria para Redondela e Pazos e empate para o Arealonga. O coordinador do club redondelán, Fran Iglesias, amósase moi satisfeito coa estrea da temporada. Para o club poder regresar á competición xa é “un éxito” e poder facelo cunha vitoria ante o Baíña resulta “aínda mellor”.

Fran Iglesias, coordinador do Redondela FS

O equipo mantense con boa parte do bloque que tiña e Varo Gil como adestrador, pero incorpora tamén importantes novidades como o veterano Juan Puertas. Outros xogadores como o porteiro, Naka, que tamén é adestrador no club, son tamén un referente no vestiario. Xunto cos xogadores da que foron subindo da base conforman un equipo competitivo.

O equipo conta cun sólido bloque que se mantén e importantes incorporacións como Juan Puertas

En canto aos obxectivos que se marcan para esta temporada, no club son prudentes e rexeitan o cartel de favoritos para a loita polo ascenso. O coordinador sinala que logo dun ano sen competición pode haber “moitas sorpresas”, xa que na categoría hai moitos equipos descendidos de Nacional. O Redondela Maramar evitar fixar unha meta concreta e seguen a filosofía “cholista” de traballar “partido a partido”

Para o club o único obxectivo é “gañar o próximo partido”

Na próxima xornada repiten como locais. O sábado reciben ao Cios Vigo Mondariz no pavillón da Marisma. Un encontro que Iglesias augura será “complicado” e que preparan con varias baixas

O domingo repiten como locais ante o Cios Vigo, e confían en contar co apoio da afección redondelá

O F.S. Redondela busca este ano recuperar folgos para volver á normalidade logo da pasada temporada marcada pola pandemia da Covid. Iglesias recoñece que foi un ano “moi duro” para o club, que decidiu parar de adestrar “por precaución”. Neste tempo o Redondela F.S. perdeu xogadores e tamén algúns equipos de categorías inferiores que agora pretenden recuperar “pouco a pouco”. Directiva, xogadores e corpo técnico comezan con ilusión a nova campaña, e animan á rapazada a achegarse á disciplina do fútbol sala.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *