Hoxe é Martes 7 de Decembro de 2021
Stations
NOTHING FOUND!
Current listeners: 
Peak listeners: 

Carmen Amoedo cede a súa acta de deputada ao voceiro do PP en Baiona, Ángel Rodal

carmendeputada

O Partido Popular de Pontevedra confirma o relevo de Carmen Amoedo, voceira do PP de Redondela, como deputada provincial tras o pacto “entre compañeiros” realizado en 2019.

O cambio correspóndese ao partido xudicial de Vigo, cumprindo o acordado tras as eleccións municipais consistente en compartir un dos dous escanos que o PP ten nesta área entre Carmen Amoedo e Ángel Rodal, voceiro do PP de Baiona. Así, tras dous anos de mandato, Amoedo presentou a súa renuncia, que será efectiva no pleno deste venres, e Rodal tomará posesión da súa acta a finais de novembro.

Desde o grupo provincial, así como o presidente do PP de Pontevedra, Alfonso Rueda, agradecen a Carmen Amoedo o seu “traballo exemplar desde o primeiro día, sabendo que tiña por diante un traballo de dous anos. Fixo unha labor incansable, a súa implicación foi total para defender os intereses dos veciños de Redondela, de todo o partido xudicial e do resto da provincia”.

Explican que este cambio estaba previsto, acordado entre compañeiros e foi ademais unha práctica habitual no PP desta provincia en todos os mandatos. “Sabemos que son impensables e imposibles noutros partidos nos que os enfrontamentos son públicos e demostran unha vez máis que unha das fortalezas do PP é a súa unidade senón tamén que o PP é un partido de fiar no que a palabra vale tanto como un documento escrito”, conclúen.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *