Hoxe é Luns 29 de Novembro de 2021
Stations
NOTHING FOUND!
Current listeners: 
Peak listeners: 

Detido e posto a disposición xudicial o atracador do estanco de Pai Crespo

estanco

Axentes da Policía Nacional detiveron na tarde do luns ao individuo de 43 anos e veciño do Muro que a pasada semana atracaba a punta de pistola e a cara descuberta o estanco situado na rúa Pai Crespo de Redondela. O home, vello coñecido da policía e con numerosos antecedentes, ameazara a dependenta levándose os 300 euros que había na caixa rexistradora así como varias caixas de tabaco.

Malia que o atracador lograra fuxir nun primeiro momento escapando pola zona do Salgueiral, o feito de que estivera identificado facía supoñer que a súa detención era cuestión de tempo. Finalmente foi a unha da tarde do pasado luns cando os axentes da Policía Nacional que estaban vixiando a súa vivenda o localizaron cando regresaba ao seu domicilio.

Na xornada de onte procedeuse a rexistrar ese inmoble co obxecto de atopar a pistola. Malia que non foi posible si se determinou que a arma coa que perpetrou o atraco era unha arma de fogueo. Hoxe está previsto que pase a disposición xudicial acusado dun delito de roubo con intimidación.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *