Hoxe é Domingo 5 de Decembro de 2021
Stations
NOTHING FOUND!
Current listeners: 
Peak listeners: 

O goberno investirá un millón de euros na reforma da Avenida de Redondela en Chapela

avenida chapela

O Ministerio de Transportes, Mobilidade e Axenda urbana (Mitma) comunicou ao Concello o inicio dos traballos de redacción do proxecto de reordenación de accesos e adecuación das marxes da Avenida de Chapela, na N-552 o que suporá unha reforma integral desta vía. A noticia foi acollida con satisfacción pola alcaldesa de Redondela, Digna Rivas, ao “darse cumprimento a unha demanda histórica da veciñanza de Chapela e que para o Concello era un tema prioritario”.

A actuación incluirá o acondicionamento das distintas interseccións do vial, a reparación da pasarela peonil situada fronte ao instituto e o tratamento das marxe para completar e mellorar as beirarrúas. O investimento estimado ascendería a un millón de euros.

A reparación integral deste vial, unha débeda histórica coa veciñanza de Chapela, fora cualificada pola alcaldesa Digna Rivas como “demanda irrenunciable” na reunión telemática mantida o pasado mes de marzo co secretario xeral de Infraestruturas do Ministerio de Transporte, Mobilidade e Axenda Urbana (Mitma).

Rivas quixo agradecer ao secretario xeral de Infraestruturas do Mitma, Sergio Vázquez Torrón, e ao Ministerio “a rapidez para dar resposta ás xestións que, dende o primeiro momento realizamos dende o Concello para dar solución a unha reclamación de hai anos das veciñas e veciños”.

En todo caso, engade a alcaldesa redondelá, o Goberno local continuará demandando do Ministerio “a necesidade de resarcir á Chapela de todos os prexuízos ocasionados pola AP9”.

Asociación de afectados

Un anuncio que chega logo de que no pasado pleno municipal a Asociación de Afectados pola AP-9 presentara unha solicitude reclamando a convocatoria urxente da comisión de seguimento das obras. Unha comisión que, segundo explicaba nos nosos micrófonos o seu presidente, Rafael Baltasar, leva sete meses sen reunise. Un dos asuntos que entendían debían ser abordado nesa xuntanza sería a situación da adenda que inclúe, entre outras cuestións, as obras que o Ministerio anuncia agora así como a ampliación da Ponte da Trasmañó ou a instalación de pantallas acústicas para minimizar o ruído que padecen os veciños que viven máis próximos a autoestrada así como o alumnado do Instituto.

Rafael Baltasar, presidente asociación afectados pola AP-9

Un colectivo que amosa tamén o seu malestar pola situación da peaxe dende que se aprobara a eliminación deste pago en Rande exclusivamente para aqueles condutores que realicen o mesmo traxecto de ida e volta no prazo de 24 horas e que sexan usuarios de telepeaxe. Unhas condicións que cualifican de “tomadura de pelo” e que non benefician practicamente a ningún veciño da parroquia.

Malestar pola non liberalización da peaxe en Rande
Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *