Hoxe é Mércores 22 de Setembro de 2021
History
Stations
NOTHING FOUND!

“O que arde” abre o ciclo de cine en galego de Soutomaior

cineSoutomaior

As proxeccións ao aire libre comezan esta noite co filme de Oliver Laxe “O que arde”. Nas vindeiras semanas poderán verse as longametraxes “Ons”, “A illa das mentiras”, “Cuñados” e por último “Nación”, que relata a loita sindical das traballadoras da fábrica de Pontesa.
O Concello de Soutomaior abre hoxe o programa de actividades de dinamización do Xacobeo 2021. Un ciclo de cine en galego con cinco títulos, un cada sábado do mes, que finalizará o próximo 3 de xullo. O primeiro filme do ciclo será a galardoada “O que arde”, de Oliver Laxe, que aborda a problemática da desaparición do rural galego e dos incendios forestais. A proxección dará comezo hoxe ás 22:00 horas no auditorio exterior do edificio multiusos de Arcade. Co mesmo horario, e no mesmo lugar, os sábados 12 e 19 proxectaranse as películas “Ons”, de Alfonso Zarauza, e “A illa das mentiras”, de Paula Cons. O ciclo manterá o seu horario, pero cambiará o escenario á alameda Talo Río de Arcade para a sesión do sábado 26, na que se proxectará o filme “Cuñados”, de Toño López, protagonizado por Miguel de Lira e Xosé A. Touriñán. Por último, pechando o ciclo e tamén na alameda de Talo Río proxectarase a “Nación”, de Margarita Ledo. A obra relata, co testemuño das súas protagonistas, a loita sindical das mulleres da fábrica de cerámica da Pontesa. Entrada libre ata completar o aforo.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *