Hoxe é Domingo 19 de Setembro de 2021
History
Stations
NOTHING FOUND!

O IES de Chapela corre “co vento de liberdade de Xela”

IES.Xela no IES de Chapela (2001)

Xela Arias, nunha imaxe de cando impartía aulas no IES Chapela

Mañá venres o IES de Chapela celebrará o seu tradicional Maratón das Letras Galegas. Unha carreira que este ano conmemora o seu 25 aniversario e que mantén intacta a finalidade coa que naceu en 1997: reivindicar e visibilizar a importancia do uso da lingua galega entre a comunidade educativa e na sociedade. Na tradicional carreira, que se realiza por Chapel, participa o alumnado, persoal non docente e profesorado. Comezará ás 11:30 e adaptarase ao protocolo COVID, con saídas escalonadas para evitar o contacto. Haberá xogos populares e adaptados, ilustración de poemas, palabras encartadas e expresión de emocións entre outras actividades paralelas para ambientar a xornada festiva.

A celebración servirá como unha especial homenaxe a Xela Arias, á quen este ano vai dedicado o Día das Letras Galegas, e que no curso 2000/01 foi profesora do IES de Chapela. Todas as corredoras e corredores vestirán unha camiseta cun dos seus versos “Independénciome para que eu saiba a onde quero estar atada”, do que hai dous anos alumnado do centro realizou un grafitti que pode contemplarse á entrada do instituto. Todas as corredoras e corredores portarán máscara “mais nin pandemias nin máscaras poderán frear a forza da nosa lingua e o vento de liberdade que nos transmitiu Xela”, sinalan desde o centro.

Grafitti cun verso de Xela Arias pintado polos alumnos do IES Chapela hai dous anos
Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *