Hoxe é Luns 26 de Xullo de 2021

O PP urxe ao goberno local os medios para establecer unha base dos GES en Redondela

emerxencias

O grupo municipal do PP levará ao vindeiro Pleno da Corporación unha moción para que o goberno local complete os trámites para a creación dunha base do Grupo Supramunicipal de Emerxencias (GES) en Redondela “de xeito urxente”, ao entender que se trata dunha medida “imprescindible”. A voceira popular, Carmen Amoedo, lembra que o pasado mes de novembro a delegada territorial da Xunta, Marta Fernández-Tapias, comunicou á alcaldesa, Digna Rivas, a proposta de crear un novo GES que contaría cunha base en Redondela. O PP instou daquela ao goberno local a poñer os medios precisos “para asegurarse de que este novo grupo estea operativo en Redondela e comprometer a súa cooperación para que sexa canto antes”. Amoedo sinala que en 2012 os votos dos grupos que daquela eran oposición (PsdeG-PSOE, AER e BNG) impediron ao executivo do PP asinar un convenio para que Redondela tivese o seu propio GES. Amoedo advirte que “non se pode renunciar novamente a esta oportunidade que melloraría substancialmente a atención ás emerxencias da veciñanza, e que sería unha irresponsabilidade por parte do bipartito que dirixe Rivas”.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *