Hoxe é Venres 14 de Maio de 2021

O BNG demanda desbloquear o saneamento en Cabeiro

SaneamentoCabeiro

O grupo municipal do Boque propón modificar o regulamento municipal “que obriga aos particulares a sufragar as obras de acometida á rede principal”, explica o voceiro nacionalista Xoán Carlos González. Un problema que afecta actualmente aos veciños da parroquia de Cabeiro, onde se está a ampliar a rede de saneamento municipal, pero que no futuro afectará a outras zonas onde se realicen traballos similares. No proxecto das obras na zona sur de Cabeiro, licitadas por 151.000 euros, contemplábanse a conexión de 39 vivendas particulares que, finalmente, non se realizaron. Un cambio amparadono Regulamento Municipal de Saneamento, que obriga aos veciños das vivendas afectadas “a asumir o asuman o custe íntegro das acometidas”. González explica que os veciños comprenden que deben asumir as obras de conexión “dentro das súas propiedades ata o vial municipal”, pero non lles parece lóxico “asumir os 600 euros por acometida cando se realiza nun espazo público, como é o vial municipal”.

Xoán Carlos Gozález, voceiro do BNG

A norma que obriga aos particulares a sufragar ese gasto fo introducida no Regulamento no ano 2014, xunto cos outros cambios, cos únicos votos a favor do PP. Segundo o voceiro nacionalista, “a solución pasa por levar ao Pleno unha modificación do Regulamento de Saneamento, eliminando este apartado, o que suporá un beneficio non só para os veciños e veciñas afectados por estas obras, senón a futuros proxectos de saneamento que se deben realizar polo resto do Concello de Redondela”. Entende que unha infraestrutura de primeira necesidade como o saneamento “non se pode converter nun instrumento recadatorio municipal”, especialmente agora “coa crise económica que está a deixar a pandemia”, sinala González. O edil do BNG ista ao goberno de Digna Rivas a levar ao Pleno a modificación do Regulamento “eliminando a obriga de que os e as particulares costeen as acometidas, para o que vai contar co apoio do BNG”, afirma González.

O BNg demanda modificar o regulamento para eximir do pago da acometida aos veciños
Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *