Hoxe é Sábado 4 de Decembro de 2021
Stations
NOTHING FOUND!
Current listeners: 
Peak listeners: 

Pazos pon en marcha un programa de préstamo de material ortopédico e para a mobilidade

pazos

A partir do 3 de xaneiro os veciños de Pazos de Borbén que teñan problemas de mobilidade ou precisen material ortopédico poderán dispor de dúas camas adaptadas, dúas cadeiras de rodas, tres andadores regulables e tres cadeiras de ducha ademais de tres asentos para o baño. Os interesados poden solicitar o préstamo deste material a través da oficina de Servizos Sociais do concello a partir da próxima semana.

As solicitudes serán atendidas segundo a orde de chegada, pero establecerase un sistema de preferencia en función das necesidades dos solicitantes que serán avaliadas polo departamento. O material comezará a distribuírse a partir do próximo 3 de xaneiro.

A edil de Servizos Sociais, Eloisa Nogueira, explica que a intención do programa de préstamo é servir de axuda en momentos difíciles para os veciños xa que “moitas veces cando xorde a necesidade deste material, o afectado non pode asumir a súa compra e xestionala levaría demasiado tempo. Desta maneira podemos axudar aos veciños que o necesiten de maneira rápida”.

Todo o material foi mercado integramente polo concello de Pazos de Borbén e tivo un custe de 4.000 euros.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *