Hoxe é Domingo 17 de Outubro de 2021
History
Stations
NOTHING FOUND!

A reforma da estrada Os Valos-Guizán estará rematada na primavera

VALOS

Os traballos están en fase de licitación, e en xaneiro estarán adxudicados. A concelleira e deputada provincial Olga García confía en que as obras, nun tramo de 700 metros, estean rematadas “a próxima primavera”. O pleno da corporación aprobou onte unha ampliación nos prazos do convenio asinado coa Deputación de Pontevedra, que expiraba o 31 de decembro. García explicou na sesión plenaria de onte que, ao aprobarse o proxecto de execución o pasado mes de outubro “non houbo tempo para rematar os trámites antes de final de ano”. O trámite foi aprobado cos votos favorables de todos os grupos municipais, agás o PP que se abstivo. A voceira popular foi moi crítica con esta obra que cualifica de “insuficiente” e acusou ao goberno local de non defender “os intereses dos veciños”. Carmen Amoedo lamentou que o novo tramo non conte con beirarrúas “como a primeira fase” e comparou as obras da Deputación en Redondela con outras que se realizan na parroquia viguesa de Beade “onde si levan beirarrúas”.

Carmen Amoedo, voceira do PP

Todos os grupos rexeitaron os argumentos de Amoedo. Desde o BNG Xoán Carlos González defendeu “o novo modelo” que contrapuxo “ás cacicadas do PP” advertindo que na primeira fase o anterior goberno de Javier Bas “gastou todo o orzamento da obra para facer só unha parte”. Sinalou que este novo tramo será “máis seguro para os peóns xa que se reduce a velocidade do tráfico”

Xoán Carlos González, voceiro BNG

Tamén desde AER rexeitaron as críticas do PP. Roberto Villar avogou por este “novo modelo” que se está a implantar en moitas estradas da provincia con bo resultado.

Roberto Villar, concelleiro de AER

A concelleira e deputada socialista Olga García foi tallante cos argumentos do PP. Culpou ao anterior goberno dos atrasos nas obras “que xa estarían rematadas se o executivo de Bas non gastara todo o orzamento en facer só a primeira fase”. Acusou a Amoedo de orquestar unha campaña “en contra do goberno” neste asunto, e asegurou que a maioría dos veciños “están de acordo co proxecto da estrada”.

Olga García, concelleira PSdeG-PSOE

Os traballos contan cun orzamento de 402.000 euros, financiados nun 70% pola Deputación e o 305 polo Concello. O proxecto aposta pola reordenación da mobilidade peonil, ciclista e rodada. O tramo, duns 750 metros, une a PO-2602 co aeroporto de Peinador e a N-550. A senda peonil ciclista terá 2 metros de ancho, e a velocidade de circulación limítase a 30 Km/h. Instalaranse elementos redutores e pasos de peóns sobreelevados. Tamén se soterrarán os cables aéreos e instalarase un novo sistema de iluminación máis eficiente e ecolóxico.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *