Hoxe é Mércores 2 de Decembro de 2020

Redondela continuará a batalla xudicial para ter acceso á PassVigo e recorrerá a sentencia do TSXG

passvigo

Digna Rivas afirma que o Goberno local “non ten máis prioridade que a defensa dos intereses dos veciños e veciñas de Redondela” e anuncia a súa intención de recorrer á vía xudicial logo do fallo do Tribunal Superior de Xustiza de Galicia que, de executarse, os privaría de poder utilizar a PassVigo e gozar das vantaxes no transporte urbano que proporciona esta tarxeta.

A alcaldesa Digna Rivas adiantou que o Concello recorrerá a sentencia e presentará un Recurso de Casación ante o Tribunal Supremo. Lembra en todo caso, que a sentenza do TSXG so é executable se así o solicita o Concello de Vigo e que a Lei prevé que o Tribunal poida denegala no caso de que considerase que a súa inmediata execución poida causa prexuízos de difícil reparación nesta situación transitoria.

O Goberno local aproveita para criticar a postura do PP neste asunto xa que “foron eles os que provocaron a situación que estamos a vivir”. Asegura Rivas que o exalcalde, Javier Bas, “lexitimizado polo Pleno da Corporación para defender os intereses do concello na Área Metropolitana, preferiu na sesión constitutiva do 1 decembro de 2016 seguir os ditados de Feijóo e Rueda e abandonar o pleno incumprindo, polo tanto, o mandato que a cidadanía lle outorgara para que defendera os seus intereses e deixando a Redondela fora a Área Metropolitana”.

A alcaldesa reitera que “ao contrario que eles, nós tan só nos debemos aos nosos veciños e veciñas e, polo tanto, a solución dos seus problemas é a nosa única prioridade”. Nese sentido, Digna Rivas, insistiu en que o seu Goberno “utilizará todos os medios e vías legais ao seu alcance na defensa dos dereitos da veciñanza”.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *