Hoxe é Martes 24 de Novembro de 2020

Redondela regula as visitas aos cemiterios co gallo da celebración de Todos os Santos

mañó

O goberno pide adiantar as visitas aos cemiterios para evitar as aglomeración o 1 de novembro, aconsella así adiantar a compra de flores e ornamentación de tumbas e anuncia estritas medidas de protección nos cemiterios dos Eidos e Mañó, ambos de titularidade municipal. Estableceranse itinerarios de entrada e saída, limitarase o aforo e aconséllase ás familias que as visitas non excedan os 30 minutos.

De cara a evitar aglomeracións o día 1 de novembro, festividade de Todos os Santos, e dada a actual situación de emerxencia sanitaria, o Goberno local recomenda á veciñanza adiantar a compra de flores e o arranxo das tumbas nos cemiterios, “como medida para evitar aglomeracións de última hora e cumprir coas ordes das autoridades sanitarias ao respecto”.

Asemade, o Concello que preside Digna Rivas, anunciou a adopción de medidas estritas de control nos cemiterios de titularidade municipal –Eidos e Mañó– cuxo cumprimento será vixiado por Protección Civil e Policía Local.

Neste sentido, estableceranse itinerarios de entrada e saída nos camposantos municipais e limitarase o aforo polo que o Concello, de cara a cumprir este límite de ocupación, “aconsella ás familias que as visitas non excedan os 30 minutos”, sinala o concelleiro responsable de Cemiterios, Vicente Lamas, ademais de cumprir as medidas de protección como o uso obrigatorio de máscara en todo momento, mantemento da distancia de seguridade e a prohibición de fumar sen descartar “que nos momentos de máxima afluencia, e se así o aconsella a situación, establézanse sentidos de marcha dentro dos propios cemiterios para evitar cruzamentos de persoas”.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *