Hoxe é Venres 23 de Outubro de 2020

Cursos de escaparatismo e ofimática en Soutomaior

escaparatismo

O Multiúsos de Arcade acollerá nas vindeiras semanas diferentes actividades formativas que buscan mellorar a empregabilidade e as capacidades dos seus alumnos. Unhas propostas que chegan dende a OMIX e nas que se poden inscribir as persoas interesadas antes do 14 de outubro.

Coñecer as técnicas máis adecuadas para montar un escaparate, aprender a diferenciar tipos de materiais, texturas, composicións así como a distinguir e aplicar os elementos indispensables para mellorar a imaxe dun local comercial, son algúns dos contidos que se achegarán ao alumnado do curso de escaparatismo que se impartirá os martes e xoves de 16:30 a 20:30 horas. O inicio está previsto para o 20 de outubro e rematará o 19 de novembro. Durante un mes os participantes recibirán así coñecementos prácticos para o traballo comercial. O prezo do curso é de 15 euros para os empadroados en Soutomaior mentres que o resto deberán abonar 45 euros.

Tamén o día 14 remata o prazo para se inscribir nun curso de ferramentas ofimáticas. Neste caso ao longo de 50 horas repartidas entre o 19 de outubro e o 30 de novembro os participantes aprenderán a manexar as aplicacións informáticas máis comúns no seu ámbito laboral e lograrán a capacitación  para crear, manipular e preparar documentos, informes e rexistros. Neste caso aas clases impartiranse en horario de mañá, os luns e mércores de 09.30 a 13.30 horas.

O prezo varía tamén entre os empadroados que deberán abonar 15 euros e os que non sexan veciños de Soutomaior que terán que pagar 45 euros.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *